...  Абрамович, според светските медиуми, нарача вртоглаво скапа јахта која специјално за него се изработува во Германија.

Рускиот милијардер, поради безбедносни причини нарача блиндирана мега јахта со детектори за носачи на ракети и посебен радарски систем кој открива приближување на потенцијални терористички бродови.

Огромната јахта "Eclipse" има должина од 167 метри, чини околу 300 милиони евра, и ќе биде најголемото пловило конструирано за приватна употреба.

На јахтата сите прозори ќе бидат блиндирани, ќе има место за 2 хеликоптери и специјален екипаж од 70 членови.

Еден дел од посадата се и членовите на поранешните Специјални сили за управување со бродови.

Рускиот тајкун веќе поседува три големи јахти, но ниедна од нив нема добар сигурносен систем, пишуваат британските медиуми.

Абрамович и неговата 26-годишна девојка Дариа Зукова, поминуваат доста од своето време крстарејќи по медитеранот.

На новата јахта нема да им бидат проблем повеќе гости и пријатели, бидејќи јахтата има 24 луксузни кабини за гости, како и кино сала, базен и ноќен клуб.

!